Aboot Us

Scottish Humour Books, Funny Scottish Books, Scottish Children's Books

The Wee Book Company Ltd wus incorporated in 2018 wi' the aim o' producing quality, modern non-fiction Scottish humour an' children's fiction. We're a' aboot the funny but we underscore wur books wi' messages o' love, positivity, confidence an' resilience. Aye, it's important tae us tha' laughter an' love go haund in haund (jeez-oh, get us!).

Wur authors are largely individuals (nae a' large individuals) who huv trained in wan therapy or anither, an' so write wi' wan eye oan the importance o' the guid stuff o' life.

Our Director, Susan Cohen originally hails frae Inverness. She started her wurkin' life as a lawyer an' spent a lang time representin' clients in court in various jurisdictions roond the wurld. Efter huvin' her twa sons, she went back tae University tae study English - frae there, she nivver looked back. She ended up becomin' interested in combinin' elements o' therapeutic techniques such as meditation, mindfooness an' hypnosis (Susan's a qualified clinical hypnotherapist) intae her writin' an' this noo feeds the content o' The Wee Book Company's books, tae varyin' degrees.

Thing is, there's nothing po-faced aboot wur books. There's none o' tha' 'sit oan top o' a mountain an' channel yer inner unicorn' kind o' thing. Wur books are written wi' humour an' wi' a mahoosive dollop o' common sense. No' wan unicorn tae be seen! The jokes come thick an' fast, an' staund alone. C'mon, who's no' gaun tae chuckle a' the description o' Cludgie Aerobics in The Wee Book o' Cludgie Banter or Thistle Squats in Big Tam's Kilted Wurkoots? An' dinnae get us startit oan the Grannies' Sayin's ... 'heid doon, erse up!' ... 'he's got a face tha' only a mither cuid love' ... 'ye're rippin' ma knittin'!' ... sigh ... hours o' endless fun!

We huv tae say here tha' we huv mair authors lined up than we can shake a stick a' (no' tha' we go in fur stick shakin' tha' often), so we're no' in a position tae accept unsolicited manuscripts.

We're sorry.

Naw, really. We are sorry.

Wur Latest Haivers an' Blethers

Trade Fairs? Live Events? How We…

Dae ye iver huv wan o' thae days when ye miss gaun aboot, meetin fowk, huvin a laff, huvin a…

Bea and Brodie's Mindful Journey

Wan o' the maist remarkable things aboot this book - apart frae the fact tha' the furst print run hus…

Scots Humour - A Match In Thon Place…

On 21st January, 2021 wur ain Susan hus the honour o' deliverin' a lecture oan behalf o' the National Library…